काठमाडौं । नयाँ भेरियन्टको संक्रमण तिव्र रुपमा बढ्दो सन्त्रास सँगै नेपालमा यसको प्रभावहरु छछल्किन थालेको छ ।

दिनहुँ ७ हजारको दरले संक्रमीतहरु थपिएसँगै नेपालमा कोरोनाबाट ज्यना गुमाउनेहरुको संख्या समेत तिव्ररुपमा बढेको तथ्याङकले प्रष्ट्याएको छ ।

संक्रमितको संख्यामा वृद्धि भएसँगै अस्पतालमा अक्सिजनको अभाव भईरहेको बेला हाम्रो टिम नेपालले निःशुल्क अक्सिजन उपलब्ध गराउने भएको छ ।

निम्न वर्गका नेपाली जसलाई अक्सिजन किन्ने पैसा हुदैन र भएर पनि समयमा उपलब्ध नभएर ज्यान गुमाउन नपरोस भनेर सो सेवा जारी गरिएको हाम्रो टिम नेपालका कोषध्यक्ष मिलन कुमार बोगटीले जानकारी दिए।

युवाहरुको समुह यसअघिका समयहरुमा समेत विभिन्न सामाजिक सेवाका कार्यहरु गर्दै आएका छन् । यो समुहले निःसुल्क खाना वितरण, कपडा वितरण लगायतका कार्यहरु गर्दै आएको छ ।