बुधबार, वैशाख १२, २०८१

सुवास नेम्वाङले भने,-‘प्रधानमन्त्री राष्ट्रपतिलाई भेटन जानु सामान्य हो’

मेरोन्यूज २०७८ वैशाख १९ गते १४:२४

काठमाडौं । नेकपा एमालेका स्थायी समिति सदस्य तथा संविधानसभाका अध्यक्ष सुवास नेम्वाङले प्रधानमन्त्री राष्ट्रपतिलाई भेटन जानुलाई सामान्य रुपमा लिनुपर्ने बताएका छन् ।

लुम्बिनीमा विकसित राजनीतिक घटनाक्रम, एमालेले प्रधानमन्त्री निवासमा बोलाएको आकस्मिक बैठक प्रधानमन्त्रीको पार्टी बैठकमा भएको छोटो विफ्रिङ र त्यसलगत्तै प्रधानमन्त्री राष्ट्रपति भेटन शित्तल निवास पुगेको राजनीतिक घटनाक्रमले मुलुक तरंगित भईरहदा एमाले नेता नेम्वाङले यसलाई सामान्य रुपमा लिनुपर्ने बताएका छन् ।


‘राष्टपतिलाई प्रधानमन्त्रीले नियमति रुपमा भेटघाट गर्नुहुन्छ । समसामायिक विषयमा विफ्रिङ गर्नुहुन्छ, यो सामान्य परिघटना हो,’ नेम्वाङले मेरो न्यूजसगको छोटो प्रतिक्रियामा भने,–‘यस्तो भेटघाट प्रधानमन्त्री र राष्ट्रपतिका वीचमा नियमति भईरहन्छ ।’

एमालेले बोलाएको आकस्मिक स्थायी समिति बैठकमा भने कोभिड र लुम्बिनी घटनाका विषयमा प्रधानमन्त्रीले नेताहरुलाई सामान्य विफ्रिङ गरेको पनि नेम्वाङले बताए ।
‘कोभिडका विषयमा पार्टी नेता–कार्यकर्तालाई यस विरुद्धको लडाईमा निरन्तर लाग्न प्रधानमन्त्रीले आह्रवान गर्नुभयो, लुम्बिनी घटनाको सामान्य यस्तो यसतो भयो भन्ने विफ्रिङ गर्नुभयो । राजनीतिमा यो सामान्य हो,’ नेम्वाङले भने ।

प्रतिक्रिया