बुधबार, वैशाख १२, २०८१

बंगलादेशबाट रेम्डेसिभिर औषधी आइपुग्न चार दिन लाग्ने

मेरोन्यूज २०७८ वैशाख १८ गते १३:२५

काठमाडौं । रेम्डेसिभिर ल्याउन अनुमति पाएका औषधि आयातकर्ताहरुले रेम्डेसिभिर काठमाडौँ आइपुग्न अझै चार दिन लाग्ने बताएका छन् ।

हाम्रो मेडी कन्सर्नका निर्देशक शम्भु कार्कीले बंगलादेशबाट औषधि बोकेर गाडी नेपालका लागि हिडिसकेको भएपनि काठमाडाँै आइपुग्न तीन चार दिन लाग्ने बताए । पहिलो लटमा ३ हजार भाइल र एक साता भित्र थप ५ हजार भाइल खोप ल्याउन लागेको उनले जानकारी दिए । आयानले इन्सेक्ट्रा बंगलादेशबाट १० हजार भाइल रेम्डेसिभिर ल्याउँदै छ ।

पहिलो लटमा ४ हजार भाइल ल्याउँदै गरेको आयानले सोही हप्ता थप ६ हजार ल्याइसक्ने बताउँदै आएको छ । औषधि व्यवस्था विभागले गत २२ चैतमा हाम्रो मेडि कन्सर्नलाई २० हजार भाइल र आयान हेल्थ केयर प्रालिलाई १० हजार भाइल रेम्डेसिभिर ल्याउन अनुमति दिएको थियो । ती कम्पनीहरुले क्रमश बेक्सिम्को फर्मास्यिुटिकल्स र इन्सेक्ट्रा बंगलादेशबाट औषधि ल्याउने अनुमति पाएका थिए ।

प्रतिक्रिया