बुधबार, वैशाख १२, २०८१

झापामा भोलिदेखि एक साता निषेधाज्ञा

मेरोन्यूज २०७८ वैशाख १८ गते ११:०४

काठमाडौँ । जिल्ला प्रशासन कार्यालय झापाले भोलि १९ गतेदेखि एक हप्ताका लागि निषेधाज्ञा गर्ने भएको छ । प्रमुख जिल्ला अधिकारी श्रवणकुमार तिमिल्सिनाले एक विज्ञप्ति जारी गर्दै भोलि मध्यरातबाट निषेधाज्ञा हुने जानकारी दिएका हुन् ।

जिल्लामा कोरोना भाइरस (कोभिड–१९) संक्रमण तीव्र गतिमा फैलिएको भन्दै एक साता निषेधाज्ञा गर्ने निर्णय गरेको प्रजिअ तिमिल्सिनाले बताए । यो समयमा सबै सर्वसाधारणलाई घरबाट बाहिर ननिस्कन भनिएको छ । निषेधाज्ञाको समयमा कुनै पनि सभा, सम्मेलन गर्न नपाइने विज्ञप्तिमा उल्लेख गरिएको छ ।

तर, सवारी साधनलाई भने जोर–बिजोर प्रणालीमा सञ्चालन गर्न दिइने प्रशासनले जनाएको छ । यस्तै, खाद्यान्न सामग्रीसम्बन्धी पसल बिहान ६ बजेदेखि ११ बजेसम्म सञ्चालन गर्न पाइनेछ भने विवाह, व्रतबन्धलगायत सांस्कृतिक कार्यक्रममा सिमित मान्छेलाई मात्रै लैजान पाउने छ ।

प्रतिक्रिया