बुधबार, वैशाख १२, २०८१

अबको एक महिनापछि दैनिक एक लाख ९३ हजार संक्रमित थपिने प्रक्षेपण

मेरोन्यूज २०७८ वैशाख १७ गते १८:५२

काठमाडौं । नेपालमा एक महिनादेखि तीनभित्र दैनिक एक लाख ९३ हजार संक्रमित थपिने स्वास्थ्य तथा जनसंख्या मन्त्रालयले प्रक्षेपण गरेको छ ।

स्वास्थ्य तथा जनसंख्या मन्त्रालयमा तथ्यांक विश्लेषण गर्दै डा.अर्चना श्रेष्ठले कोभिड संक्रमण वृद्धि दर विश्वभरमै नेपाल अति खराब अवस्थामा छ, यही दरमा संक्रमण फैल्ने हो भने, अबको एक महिनादेखि तीन महिनाभित्र नै दैनिक १ लाख ९३ हजार कोरोना संक्रमित थपिने दाबी गरिन् ।

उनले भनिन् ,‘कोभिड संक्रमण वृद्धि दर विश्वभरमै नेपाल अति खराब अवस्थामा छ यही दरमा संक्रमण फैल्ने हो र हामीले नियन्त्रण गर्न सकेनौँ भने अबको एक महिनादेखि तीन महिनाभित्र नै दैनिक १ लाख ९३ हजार कोरोना संक्रमित थपिने देखिएको छ ।’


यसरी संक्रमितको दर बढ्दै गएमा अबको एकदेखि तीन महिनामा नै पहिलो वेबको जति संक्रमित देखिने र दैनिक १ सय ४९ जनाको ज्यान जानसक्ने उनले दाबी गरिन् । अहिले परीक्षण गरिएको तुलनामा संक्रमित हुनेको दर निकै बढी भएको उनको भनाई छ ।

प्रतिक्रिया