शनिबार, साउन २८, २०७९

कोरोनाका कारण टी-२० विश्वकप भारतबाट युएई सर्न सक्ने

मेरोन्यूज २०७८ वैशाख १७ गते १६:१३

एजेन्सी । यो वर्षको अन्त्यमा हुने आइसिसी टी-२० विश्वकप प्रतियोगिता कोरोनाका कारण भारतबाट सर्न सक्ने भएको छ।

कोरोना भाइरसको दोस्रो लहर भारतमा तिव्र गतिका कारण विश्वकप सर्न सक्ने भारतीय क्रिकेट नियन्त्रण बोर्ड (बिसिसिआई) का अधिकारीले बताएका हुन्।

पछिल्लो हप्ता भारतमा दैनीक ३ लाख बढी संक्रमित भइरहेका छन् भने दैनीक तीन हजार भन्दा बढीको मृत्यु भइरहेको छ। विश्वकप आगामी अक्टोबरमा भारतमा हुने तय छ। भारतमा अहिले कोरोनाको महामारी बढिरहेको छ। त्यसको असर कति लामो समयसम्म पर्ने यकिन छैन।

भारतमा कोरोना संक्रमण बढिरहँदा विश्वकपमा विभिन्न देशले भारतमा जाने उडान र भारतबाट आउने उडान प्रतिबन्ध लगाइसकेका छन्।

Advertisement

बिसिसिआईका खेल विकास विभागका जिएम धिरज मल्होत्राले भारतमा विश्वकप आयोजना हुने झिनो आसा बाँकी रहेको बताए।

उनले भारतमा स्थिति सहज नभए युएईमा विश्वकप आयोजना गर्न सकिने बताएका छन्।

गत वर्ष अस्ट्रेलियामा तय भएको टी-२० विश्वकप पनि कोरोनाका कारण स्थगित भएको थियो। जुन विश्वकप भारतलाई आयोजना गर्न दिने निर्णय भएको थियो।

प्रतिक्रिया