बुधबार, कार्तिक १०, २०७८

नेपाल सुपर लिग: ललितपुर र धनगढीले अङ्क बाँडे

मेरोन्यूज २०७८ वैशाख १७ गते ६:४१

काठमाडौं । नेपाल सुपर लिगअन्तर्गत बिहीबार भएको खेल धनगढी फुटबल क्लब र ललितपुर सिटी एफसीले बराबरी खेलेपछि दुवैले अङ्क बाँडेका छन् ।

Advertisement

दशरथ रंगशालामा भएको खेलमा धनगढी र ललितपुरले एक/एक गोलको बराबरी खेलेका हुन् । ललितपुरले पहिलो हाफमा पेनाल्टीको मौका पाए पनि त्यसको सदुपयोग गर्न सकेन ।

खेलको पाँचौं मिनेटमा अञ्जन विष्टले गोल गरे पनि रेफ्रीले अफसाइड भएको घोषणा गरे । यस्तै खेलको २५औं मिनेटमा एरिक विष्टले गरेको प्रहार गोलपोष्ट नजिकैबाट बाहिरीयो ।

खेलको ३६औं मिनेटमा ललितपुरको प्रहारलाई धनगढीका गोलकिपर किरण चेम्जोङले विफल पारे ।

किरण चेम्जोङले ललितपुरका खेलाडी अञ्जन विष्टलाई धकेलेपछि उनले पहेलो कार्ड पाए । सोही वापत ललितपुरले पेनाल्टी पाएको थियो । पहिलो हाफ गोलरहित बराबरीमा सकिएको थियो । खेलको ७३ औं मिनेटमा विदेशी खेलाडी ओलाओलेले डिबक्सभित्रबाट उत्कृष्ट हेड गोल गर्दै धनगढीलाई अग्रता दिलाए ।

Advertisement

खेलको ७९औं मिनेटमा ललितपुरले गोल गर्दै खेल बराबरीमा पुर्‍यायो । उसका लागि रञ्जन विष्टले गोल गरे । एक÷एक गोलको बराबरी खेलेपछि दुवैले एक एक अङ्क बाँडेका छन् ।

बराबरीपछि धनगढीको तीन खेलबाट चार अङ्क छ भने लतिलपुरको तीन खेलमा दुई अङ्क छ ।

प्रतिक्रिया