शुक्रबार, चैत ३०, २०८०

जसपाका लुम्बिनीका प्रदेशसभा सदस्य पदमुक्त

मेरोन्यूज २०७८ वैशाख १६ गते १९:५९

काठमाडौं । लुम्बिनी प्रदेशसभाले जनता समाजवादी पार्टी (जसपा) लुम्बिनी प्रदेशसभा सदस्य सन्तोषकुमार पाण्डेय, विजयबहादुर यादव, सुमन शर्मा रायमाझी र कल्पना पाण्डे पदमुक्त भएका छन् ।

प्रदेशसभा सचिव दुर्लभकुमार पुन मगले आज एक सूचना जारी गर्दै प्रदेशसभा सदस्यलाई पार्टीले प्रदेशसभा सदस्य र पार्टी सदस्य पदबाट निष्कासन गरेको व्यहोरा सूचना प्राप्त हुन आएकाले चार सांसद पदमुक्त भएको जनाएका हुन् ।

 सरकारविरुद्ध अविश्वास प्रस्तावमा हस्ताक्षर गरेर पनि उनीहरू अचानक सरकारमा सहभागी भएका थिए । उनीहरु चारै जना हाल लुम्बिनी प्रदेश सरकारमा मन्त्री छन् ।

जसपाको प्रदेशसभा संसदीय दलले राजनीतिक दलसम्बन्धी ऐनको दफा ३४ बमोजिमको सूचना प्रदेशसभा सचिवालयमा प्राप्त भएको भन्दै सचिवालयले प्रदेशसभा नियमावली २०७४ को नियम १९१ बमोजिम चारै जनालाई कारवाहीको व्यहोरा जानकारी गराइएको उल्लेख गरेको छ ।

Advertisement

प्रतिक्रिया