बुधबार, वैशाख १२, २०८१

लकडाउनको पहिलो दिन : काठमाडौंमा १ हजार ८४ सवारीसाधन कारबाहीमा

मेरोन्यूज २०७८ वैशाख १६ गते १५:२०


काठमाडौं । निषेधाज्ञाको पहिलो दिन काठमाडौंमा १ हजार ८४ वटा सवारी साधन कारबाहीमा परेका छन् । नयाँ भेरियन्टको कोरोना रोकथामका लागि जारी गरिएको निषेधाज्ञाको नियम उलंघन गर्ने १ हजार ८४ सवारी साधन कारबाहीमा परेका हुन् ।

४ सय ९ वटा चार पाङग्रे र ६ सय ७५ वटा दुई पाङग्रे गरी १ हजार ८४ वटा सवारी साधनहरुलाई होल्डमा राखिएको काठमाडौं प्रहरी परिसरका प्रमुख एसएसपी श्याम ज्ञवालीले बताए । मेरोन्यूजसँग ज्ञवालीले भने ‘काठमाडौं जिल्ला भित्र मात्रै ४ सय ५ जना व्यक्ति, गाडी ४ सय ९ वटा र ६ सय ७५ वटा मोटरसाईकल र स्कुटरलाई होल्डमा राखेका छौं ।’

काठमाडौं जिल्लामा मात्रै एक दिनमा २७ सय जना सुरक्षाकर्मीहरु खटाईएको एसएसपी ज्ञवालीले बताए । उनले भने,‘हामिले तिन सिफ्ट गरेर प्रहरी परिचालन गरेका छौं, प्रत्यक सिफ्टमा ९ सय जना गरी एक दिनमा २७ सय जना सुरक्षाकर्मीहरु खटाएका छौं ।’ नयाँ भेरियन्टको कोरोना तिव्ररुपमा वृद्धिभएसँगै उपत्यकामा २ हप्ताको लागि निषेधाज्ञा जारी गरिएको छ ।

प्रतिक्रिया