निषेधाज्ञाको पहिलो दिनमै सुनको मूल्य वृद्धि
मेरोन्यूज
२०७८ वैशाख १६ गते ११:२५
काठमाडौँ । काठमाडौँ उपत्यकासहित केही जिल्लामा आजदेखि निषेधाज्ञा हुँदै गर्दा सुनको मूल्यमा सामान्य वृद्धि भएको छ । बिहीबार सुनको मूल्यमा सामान्य वृद्धि भएको नेपाल सुनचाँदी व्यवसायी महासंघले जनाएको हो ।
महासंघका अुनसार बुधबार तोलामा ९० हजार ५ सय रुपैयाँमा कारोबार भएको छापावाल सुन बिहीबार बढेर तोलामा ९० हजार ८ सय रुपैयाँमा कारोबार भइरहेको छ । उपत्यकासहित केही जिल्लामा निषेधाज्ञा सुरु भएको पहिलो दिन नै सुनको मूल्य तोलामा ३ सय रुपैयाँले बढेको हो ।
निषेधाज्ञाका बीच अहिले विवाहको सिजन भएकाले सुनको मूल्य बढेको हो । यस्तै बिहीबार तेजाबी सुन तोलामा ९० हजार ३ सय रुपैयाँमा कारोबार भएको छ ।
यसैगरी चाँदीको मूल्य तोलामा १३१५ रुपैयाँमा कारोबार तोकिएको छ ।……रासस
सम्बन्धित
प्रतिक्रिया