आइतबार, मंसिर १९, २०७८

नर्भिक हस्पिटलले निषेधाज्ञाको अवधिमा निःशुल्क एम्बुलेन्स सेवा संचालन गर्ने

मेरोन्यूज २०७८ वैशाख १५ गते १५:३०

काठमाडौं । थापाथलीस्थित नर्भिक इन्टरनेशनल हस्पिटलले निषेधाज्ञाको अवधिमा गम्भीर अवस्थाका बिरामीहरुका लागि निःशुल्क एम्बुलेन्स सेवा संचालन गर्ने भएको छ ।

Advertisement

स्वास्थ्यमा गम्भीर समस्या भई अस्पताल भर्ना हुनुपर्ने बिरामीहरुलाई लिन अस्पतालले घरैसम्म निःशुल्क एम्बुलेन्स पठाइने अस्पताल जनाएको छ । अस्पतालका कार्यकारी निर्देशक राजेन्द्रबहादुर सिंहका अनुसार निषेधाज्ञामा सार्वजनिक तथा निजी यातायात ठप्प भएको अवस्थामा स्वास्थ्य जटिलताका कारण सर्वसाधारणलाई समस्या नपरोस् भन्ने उद्देश्यले अस्पतालले गम्भीर अवस्थाका बिरामीका लागि निःशुल्क एम्बुलेन्स सेवा संचालनको घोषणा गरिएको हो ।

बिरामीहरु ठीक भएपछि घरसम्मै लैजाने व्यवस्था समेत मिलाइने अस्पतालले जनाएको छ ।

प्रतिक्रिया