सोमबार, माघ ३, २०७८

बागमती प्रदेशमा १० मन्त्री थपिँदै

मेरोन्यूज २०७८ वैशाख १५ गते ११:४४

काठमाडौँ । बागमती प्रदेशमा मुख्यमन्त्री डोरमणि पौडेलले मन्त्रिपरिषद् विस्तार गरेका छन् । मुख्यमन्त्री तथा मन्त्रिपरिषद् कार्यालयका अनुसार मुख्यमन्त्री पौडेलले ३ मन्त्री र ७ जना राज्यमन्त्री समेटेर मन्त्रिपरिषद् विस्तार गरेका हुन् ।

विस्तारित मन्त्रिपरिषद्मा जिम्मेवारी पाउनेमा काभ्रेका चन्द्र लामा, मकवानपुरकी जुनेलीमाया श्रेष्ठ, सिन्धुपाल्चोकका सांसद् सरेश नेपाल, नेकपा एमाले बागमती प्रदेशमा प्रमुख सचेतक नुवाकोटका केशवराज पाण्डे र दोलखाकी सरस्वती बस्नेत रहेका छन् । यस्तै धादिङका डा. रामकुमार अधिकारी र सिन्धुलीका प्रदिप कटुवाल पनि मन्त्रिपरिषद्मा समेटिएको जनाइएको छ ।

मन्त्रिपरिषद्मा प्रधानमन्त्री ओली पक्षको एमालेका सांसदहरु मात्र रहेका छन् । नियुक्त भएका मन्त्री तथा राज्यमन्त्रीहरूले आजै पद तथा गोपनीयताको सपथ ग्रहण गर्ने कार्यक्रम रहेको जनाइएको छ ।

प्रतिक्रिया