कोरोनाबाट नवलपरासीमा बाबुछोराको मृत्यु
मेरोन्यूज
२०७८ वैशाख १४ गते १६:४७
काठमाडौँ । कोरोना संक्रमणका कारण पश्चिम नवलपरासीमा दुई दिनमै बाबुछोराको मृत्यु भएको छ । मंगलबार बिहान जिल्लाको रामग्राम नगरपालिका ९ का ३५ वर्षीय पुरुषको कोरोनाबाट मृत्यु भएको प्रमुख जिल्ला अधिकारी धमेन्द्र मिश्रले जानकारी दिए ।
सास फेर्न गाह्रो भएपछि पृथ्वीचन्द्र अस्पतालमा भर्ना भएका पुरुषको मृत्यु भएको हो । दुई दिनअघि मात्रै उनका बुबाको पनि कोरोना संक्रमणबाट नै मृत्यु भएको थियो ।
ती पुरुषको अवस्था जटिल भएपछि आइसियूमा राखेर उपचार गर्ने प्रयास गरे पनि कुनै अस्पतालमा आइसियू नपाउँदा मृत्यु भएको मिश्रले जानकारी दिए । योसहित पश्चिम नवलपरासीमा कोरोनाबाट ज्यान गुमाउनेको संख्या ३८ पुगेको छ ।
सम्बन्धित
प्रतिक्रिया