आइतबार, मंसिर १९, २०७८

माओवादी केन्द्रले बोलायो आकस्मिक स्थायी समिति बैठक

मेरोन्यूज २०७८ वैशाख १४ गते १३:३८

काठमाडौं । नेकपा माओवादी केन्द्रले पार्टी स्थायी समिति बैठक बोलाएको छ । पार्टी केन्द्रीय कार्यालयमा अहिले दिउँसो ३ बजेका लागि आकस्मिक स्थायी समिति बैठक बोलाएको हो ।

Advertisement

पार्टी बैठकमा अध्यक्ष प्रचण्डले राजनीतिक प्रतिवेदन पेश गर्ने र विद्यान संसोधनका विषयमा पनि कार्यदलले तयार पारेको रिपोर्टमा छलफल हुन सक्ने नेताहरुले बताएका छन् । तर पनि बैठकमा छलफलका एजेण्डा के हुने भन्नेमा नेताहरुले केही खुलाएका छैनन ।

तर, यो आकस्मिक रुपमा बोलाईएको स्थायी समिति बैठकमा कांग्रेस र माओबादी केन्द्रले प्रधानमन्त्री केपी ओलीका विरुद्धमा पेश गर्ने तयारी गरेको अविश्वास प्रस्तावका बारेमा छलफल हुन सक्ने वताईएको छ । जसपाको शीर्ष नेताहरुको पनि आज नै बैठक वसिरहेको छ । जसपाले गर्ने निर्णयका आधारमा काग्रेस माओवादीले यस विषयमा ठोस निर्णय लिने नेताहरुको भनाई छ ।

काग्रेस र माओवादीका वीचमा एमसीसी लगायतका विषयमा संसदवाट पारित गर्ने संकल्प प्रस्ताव पारित गर्ने समझदारी नजिक कुराकानी भएको छ । आजै विहान मात्र पनि काग्रेसका नेता कृष्ण सिटौलाले खुमलटार पुगेर प्रचण्डसँग झण्डै ढेड घण्टा छलफल गरेका थिए ।

आकस्मिक रुपमा वोलाइएको बैठककमा यिनै विषयमा छलफल केन्द्रीत हुन सक्ने वताईएको छ ।

Advertisement

प्रतिक्रिया