मंगलबार, जेठ ३, २०७९

एक मात्र अन्तर्राष्ट्रिय विमानस्थल आंशिक बन्द, ट्रान्जिट गर्न नपाइने

मेरोन्यूज २०७८ वैशाख १४ गते १२:३७

काठमाडौँ । विश्वभर फैलिएको कोरोना भाइरस (कोभिड–१९)को नयाँ भेरियन्ट फैलिएसँगै त्रिभुवन अन्तर्राष्ट्रिय विमानस्थल आंशिक रुपमा बन्द हुने भएको छ । भोलि बुधबार राति १२ बजेदेखि लागू हुने गरी विमानस्थलबाट हुँदै आएको केही उडानहरू रद्द हुने विमानस्थलका सूचना अधिकारी झंकनाथ ढकालले हस्ताक्षर गरेको विज्ञप्तिमा उल्लेख गरिएको छ ।

‘विमानस्थलबाट तेस्रो मुलुक प्रस्थान गर्ने उद्देश्यले नेपाललाई ट्रान्जिटको रुपमा प्रयोग गरिने सबै उडानलाई रोक लगाइको व्यहोरा गरिएको छ,’ विज्ञप्तिमा भनिएको छ, ‘साथै विदेशबाट नेपाललाई अन्तिम गन्तव्य बनाई आगमन गर्न र नेपालबाट विदेश जान साविक बमोजिम नै नियमित रहने व्यहोरा समेत अनुरोध छ ।’

प्रतिक्रिया