आइतबार, जेठ १३, २०८१

रुमन्देहीमा कोरोना प्रभाव

रुपन्देहीका सबै शिक्षण संस्थाहरु बन्द, सवारी साधनमा जोर बिजोर प्रणाली लागू गर्ने

सबै किसिमका पूर्व निर्धारित परीक्षाहरु समेत अर्को सूचना नआउँदासम्म स्थगित गर्ने निर्णय

मेरोन्यूज २०७८ वैशाख १२ गते १५:२६

बुटवल । कोरोना संक्रमण बढेँसँगै रुपन्देहीका सबै शिक्षण संस्थाहरु बन्द गर्ने र सवारी साधनमा जोर बिजोर प्रणाली लागू गर्ने भएको छ ।

Advertisement

आईतबार जिल्ला प्रशासन कार्यालय रुपन्देहीमा प्रमुख जिल्ला अधिकारीको संयोजकत्वमा बसेको सुरक्षा पदाधिकारी तथा स्थानिय तहका प्रमुख, अध्यक्ष एवम प्रतिनिधिहरुको बैठकले सबै स्थानिय तहका सबै शिक्षण संस्था बन्द गरेको निर्णय गरेको हो । यसको साथै सबै किसिमका पूर्व निर्धारित परीक्षाहरु समेत अर्को सूचना नआउँदासम्म स्थगित गर्ने निर्णय भएको छ ।

शैक्षिक संस्थाहरुले प्रत्यक्ष भौतिक उपस्थितिमा गरिने शिक्षण सिकाइको सट्टा बैकल्पिक माध्यमबाट शिक्षण सिकाइको व्यवस्था गर्न भनेको छ । यसकन साथै बैशाख १४ गते मंगलवारदेखि लागु हुनेगरी जिल्ला भित्र चल्ने सार्वजनिक तथा निजी सवारी साधनमा जोरबिजोर प्रणाली लागू गर्ने निर्णय भएको हो ।

यस्तै बैठकले प्रत्येक पालिकामा कम्तिमा १ वटा एम्बुलेन्स तयारी अवस्थामा राख्न समेत निर्देशन गरेको छ ।

प्रतिक्रिया