मंगलबार, जेठ ३, २०७९

महन्थ ठाकुरले गरे आफू निकटका सांसदहरुसँग छलफल

मेरोन्यूज २०७८ वैशाख ९ गते १५:५४

काठमाडौं । जनता समाजवादी पार्टीका जसपा का अध्यक्ष महन्थ ठाकुरले आफू निकटका सांसदहरुको भेला बोलाएका छन् । उनले पूर्व राष्ट्रिय जनता पार्टीका सांसदहरुको भेला बोलाएका हुन् ।

अनौपचारिक भनिएको बैठकमा अध्यक्ष ठाकुरले पार्टीमा भइरहेको गतिविधिका बारेमा ब्रिफिङ गरेको बताइएको छ । सत्ता सहकार्यका विषयमा जसपाभित्र दुई धार देखिएको छ । पूर्व समाजवादी पार्टी अर्थात अध्यक्ष उपेन्द्र यादव र संघीय परि‍षद अध्यक्ष डा. बाबुराम भट्टराई पक्ष नेकपा एमालेबाहेकका दलहरुसँग सत्ता सहकार्य गर्नुपर्ने पक्षमा छ भने पूर्व राजपा अर्थात महन्थ ठाकुर र राजेन्द्र महतो पक्ष भने प्रधानमन्त्री केपी शर्मा ओलीप्रति नरम देखिएका छन् ।

गण्डकी प्रदेशमा जनता समाजवादी पार्टीसमेत मिलेर मुख्यमन्त्री पृथ्वीसब्बा गुरुङ विरुद्ध अविश्वास प्रस्ताव दर्ता भएको छ भने लुम्बिनी प्रदेशमा जसपाका ४ नेता मन्त्री नियुक्त भएका छन् ।

प्रतिक्रिया