शनिबार, साउन ९, २०७८

ओलीविरुद्धको खनाल-नेपाल पक्षको रिट निवेदन दर्ता भएन

मेरोन्यूज २०७८ वैशाख ८ गते १७:३०

काठमाडौँ । पार्टी अध्यक्ष केपी शर्मा ओलीको एकतर्फी निर्णयलाई रोक्न माग गर्दै सर्वोच्च अदालत पुगेका झलनाथ खनाल र माधव नेपाल पक्षको रिट निवेदन दर्ता हुन सकेन ।

Advertisement

ओलीले गत फागुन २८ यता गरेका निर्णय र आफुहरुलाई सोधेको स्पष्टीकरण विरुद्ध खनाल-नेपाल समूह सर्वोच्च अदालत पुगेको थियो । तर समय अभाव भएको कारण बुधबार रिट निवेदन दर्ता हुन सकेन । खनाल-नेपाल पक्षका कानुन व्यवसायी वरिष्ठ अधिवक्ता गोविन्द बन्दी, अधिवक्ता टिकाराम भट्टराई र शम्भु थापा लगायतका कानुन व्यवसायी वारेसनामामार्फत अध्यक्ष ओली, महासचिव ईश्वर पोखरेल, निर्वाचन आयोग र सभामुखलाई विपक्षी बनाएर रिट निवेदन दर्ता गर्न सर्वोच्च गएका थिए ।

रिट निवेदनमा ओलीले गैरकानुनी रुपमा गरेका निर्णय कार्यान्वयन नगर्न र आफूहरु माथिको कारवाही रोक्न माग गरिएको छ । आज रिट निवेदन दर्ता हुन सकेन प्रक्रियामा गएकोले भोलि दर्ता हुने अधिवक्ता टिकाराम भट्टराईले बताए । पार्टीभित्र विधि, पद्धतिका लागि दबाब सिर्जना गर्दा कारबाही गर्ने मनसायले स्पष्टीकरण सोधिएको नेपाल पक्षको आरोप छ । उक्त कारबाही रोक्नुपर्ने उनीहरूको माग छ ।

प्रतिक्रिया