शुक्रबार, चैत १६, २०८०

भारतको जाकिर हुसैन अस्पतालमा अक्सिजन ट्यांक लिक हुँदा ११ जनाको मृत्यु

मेरोन्यूज २०७८ वैशाख ८ गते १५:१०

भारत । भारतको महाराष्ट्रमा रहेको जाकिर हुसैन अस्पतालमा अक्सिजन ट्यांक लिक हुँदा अक्सिजनको आपूर्ति ३० मिनेट रोकिएको छ । उक्त घटनामा हालसम्म ११ जना बिरामीको मृत्यु भएको र करिब ३५ जना बिरामीको अवस्था नाजुक रहेको महानगरपालिकाका आयुक्त कैलाश जाधवले पुष्टि गरेका छन् ।

अक्सिजनको आपूर्ति रोकिएको बेला १७१ जना बिरामी अक्सिजनमा ६७ बिरामी भेन्टिलेटरमा रहेको बताइएको छ । अक्सिजन आपूर्ति रोकिँदा अस्पतालमा भागदौड मच्चिएको जनाइएको छ । भारतीय मिडियाका अनुसार ट्यांकबाट आउने सप्लाई पाइपमा लिकेज भएको थियो । उक्त समस्या हल गरिसकेको जनाइएको छ ।

यसका कारण २० किलो तरल अक्सिजन बर्बाद भएको थियो । घटनाबारे अस्पतालको साथै जिल्ला प्रशासनले जाँच शुरु गरेको छ ।

प्रतिक्रिया