सोमबार, साउन ११, २०७८

खनाल–नेपाल समूह सर्वोच्च अदालत जाँदै

मेरोन्यूज २०७८ वैशाख ८ गते १३:५६

काठमाडौं । वरिष्ठ नेता झलनाथ खनाल र माधवकुमार नेपाल समूह अवहेलनाको मुद्धा लिएर अहिले केही बेरमा सर्वोच्च अदालत जाने भएको छ ।

Advertisement

गत फागुन २३ गतेको सर्वोच्च अदालतले एमाले र माओवादी फरक – फरक पार्टी भएको फैसला सुनाएको थियो ।

आफुहरुलाई पदिय दायित्व अनुसार सम्मान नभएको र पार्टीको बैठकमा बोलाउँने कार्य समेत नगरेको भन्दै खनाल–नेपाल समूह सर्वोच्च अदालतमा केही बेरमा अपहेलना गरेको मुद्धा हाल्न पुग्ने माधव नेपाल पक्षका नेता बेदुराम भुसालले मेरोन्युजलाई जानकारी दिए ।

यसैगरी मुद्धाको मिसिल तयार गर्न बरिष्ठ अधिवक्ता शम्भु थापाले सहयोग गरेका छन् । मंगलबार केन्द्रीय कार्यलयका तर्फबाट अध्यक्ष केपी शर्मा ओलीले नै हस्ताक्षर गरेर नेपालपक्षका संघीय संसदका २७ जना सहित ३२ जनालाई स्पष्टीकरण सोधेका थिए ।

एमालेले संविधानको धारा ८९, राजनीतिक दल सम्बन्धी ऐनको दफा ३१ र ३२ र पार्टीको विधानको धारा ४९ लाई समेत उदृत गरेर सांसद पदबाट किन कारवाही नगर्ने भन्ने प्रश्नसहितको स्पष्टीकरण सोधेपछि नेपाल पक्ष अदालत गएको छ ।

Advertisement

प्रतिक्रिया