बिहीबार, साउन २१, २०७८

गृहमन्त्रीमा बादल पुनर्नियुक्ति हुदैँ, आज ५ बजे सपथग्रहण गर्ने

मेरोन्यूज २०७८ वैशाख ५ गते ११:५२

काठमाडौं । सांसद पद खारेज भएसँगै पदमुक्त भएका गृहमन्त्री रामबहादुर थापा (बादल) पुनः गृहमन्त्रीमा नियुक्त हुने भएका छन् ।

Advertisement

नेकपा माओवादी केन्द्र परित्याग गरेर नेकपा एमाले प्रवेस गरेका रामबहादुर थापा (बादल)लाई प्रधानमन्त्रीले मन्त्री नियुक्त गर्ने प्रावधानअनुसार पुनः गृहमन्त्रीमा नियुक्त गर्न लागेको हो ।

संसद सचिवालयले आज विहान बादलको पद रिक्त भएको सूचनामार्फत जानकारी गराएको छ । यसअघि माओवादीले प्रतिनिधिसभाका चारजना सदस्य एमाले प्रवेश गरेपछि उनीहरुको पद रिक्त गराइसकेको छ । त्यस्तै एमाले प्रवेश गरेका प्रदेसशभा सदस्यहरुको पद पनि रिक्त गराइएको छ ।

एमाले नेताको हैसियतलमा बादलले आज साँझ ५ बजे राष्ट्रिपति भवनमा सपथग्रहण गर्ने भएका छन् । नेकपा माओवादी केन्द्रबाट २०७४ सालमा राष्ट्रियसभा सदस्य निर्वाचित भएका बादल एमालेमा लागेपछि उनको पद रिक्त गराउन माओवादीले लिखित पत्र दिएको थियो ।

Advertisement

प्रतिक्रिया