सोमबार, मंसिर १३, २०७८

भौतिक पूर्वाधारमन्त्री भन्छन्– निर्माण व्यवसायीले आफ्नो दायित्व र कर्तव्य पूरा गरौं

मेरोन्यूज २०७७ चैत २९ गते २०:२२

Advertisement

काठमाडौं । भौतिक, पूर्वाधार तथा यातायातमन्त्री वसन्तकुमार नेम्वाङले निर्माण व्यवसायीले गुणस्तरीय काम गरे/नगरेको सम्बन्धमा निर्माण व्यवसायी आफैले समीक्षा गर्नुपर्ने बताएका छन् ।

आइतबार नेपाल निर्माण व्यवसायी महासंघको २२ औँ साधारणसभामा उनले निर्माण व्यवसायीले आफ्नो दायित्व र कर्तव्य निर्वाह गरे/नगरेको सम्बन्धमा समीक्षा आवश्यक रहेको बताएका हुन् ।

उनले भने, ‘हामीले यति गर्दागर्दै पनि हाम्रो दायित्व कर्तव्यहरु कति निर्वाह गरेका छौँ ? चाहे त्यो कार्यान्वयन गर्ने कर्मचारीको क्षेत्रमा होस् । चाहे समयमै समन्वय कायम गरेर नीतिगत उचित व्यवस्थापन गरेर छिटो छरितो गर्ने अवस्था होस्, सहजीकरण गरेर सरल निर्माणलाई अगाडि बढाउने सन्दर्भमा होस् । चाहे त्यसका गुणस्तरका कुरा हुन् । चाहे क्षमता अभिवृद्धिका कुरा हुन् । हामी कहाँ छौँ ? आफुले आफुलाई प्रश्न गर्न म अनुरोध गर्दछु साथीहरुलाई । हामी कत्तिको गुणस्तरयुक्त निर्माण काम गर्दैछौ ? हामीसँग आएको व्यवधानलाई कत्तिको समन्वयात्मक ढंगले समाधान गर्ने परिपाटीमा अगाडी बढ्दैछौँ ?’

मन्त्री नेम्वाङले संसद् पुनःस्थापना भए पनि राजनीतिक समस्या समाधान नभएको टिप्पणी गरे । राजनीति अस्थिर भएको भन्दै उनले अस्थिरताले समृद्धि र विकास निर्माणलाई अवरोध गर्ने र मुलुक पछाडि फर्किने बताए ।

Advertisement

प्रतिक्रिया