शनिबार, साउन ९, २०७८

म्यानमारको सेनाले १९ जनालाई मृत्युदण्डको सजाय सुनायो

मेरोन्यूज २०७७ चैत २८ गते १४:४८

काठमाडौँ । म्यानमारको सेनाले १९ जनालाई मृत्युदण्डको सजाय सुनाएको छ । सेनाका क्याप्टेनको सहयोगीलाई हत्या गरेको आरोपमा १९ जनालाई मृत्युदण्डको सजाय सुनाएको सेनाको स्वामित्वमा रहेको म्यावाडी टेलिभिजनले शुक्रबार जानकारी दिएको छ ।

Advertisement

सैन्य कू पछि यस्तो सजाय सुनाइएको यो पहिलो पटक हो । समाचारमा गत मार्च २७ मा याङ्गोनको उत्तरी ओकालापा जिल्लामा उक्त हत्या भएको बताइएको छ । उक्त जिल्लामा फौजी कानुन लागू गर्दै कोर्ट मार्सललाई सजाय सुनाउने अधिकार दिइएको छ ।

म्यानमारमा आन्दोलन मत्थर हुँदै गएको र आगामी २ वर्षभित्र ताजा निर्वाचन गरिने समेत जानकारी दिएको छ । हालसम्म म्यानमारमा आन्दोलन दबाउने क्रममा सुरक्षाकर्मीले ६ सयभन्दा बढीको हत्या गरिसकेको मानवअधिकारवादी संस्थाहरुले बताएका छन् । सेनाले हालसम्म २४८ जनाको मृत्यु भएको र प्रदर्शनका क्रममा स्वचालित हतियार प्रयोग नगरेको दाबी गरेको छ ।

द एसिस्टेन्स एसोसिएसन फर पोलिटिकल प्रिजनर्स समूहले बिहीबारसम्म ४८ बालबालिकासहित ६१४ जनाले ज्यान गुमाइसकेको बताएको छ । उक्त समूहका अनुसार २८ सयभन्दा बढी हिरासतमा रहेका छन् ।

Advertisement

प्रतिक्रिया