सोमबार, मंसिर १३, २०७८

बलात्कार अभियोग पुष्टि भएपछि सात वर्ष कैद सजाय

मेरोन्यूज २०७७ चैत २६ गते ८:२२

गलकोट । उन्नाइस वर्षीया युवतीलाई बलात्कार गरेको अभियोगमा जिल्ला अदालत बागलुङले एक जनालाई सात वर्ष कैद सजाय फैसला गरेको छ ।

Advertisement

बागलुङको ताराखोला गाउँपालिका–२ का २१ वर्षीय रेशम वनलाई जिल्ला न्यायाधीश वासुदेव न्यौपानेको बुधबारको इजालासले बलात्कार कसुर ठहर गर्दै सात वर्ष कैद सजाय फैसला गरेको हो ।

कैदसँगै वनले पीडित युवतीलाई ८० हजार रुपैयाँ क्षतिपूर्तिसमेत दिनुपर्ने फैसला गरेको जिल्ला अदालत बागलुङका सूचना अधिकारी सूर्यप्रसाद भण्डारीले जानकारी दिए ।

२०७७ असार १७ गते ती युवतीलाई बलात्कार गरेको आरोपमा वनलाई प्रहरीले असार १८ गते पक्राउ गरेको थियो । प्रहरीले अनुसन्धान पूरा गरी जिल्ला सरकारी वकिलको कार्यालयमार्फत साउन ११ गते जिल्ला अदालत बागलुङमा जबर्जस्ती करणी शीर्षकमा मुद्दा दर्ता गरेको थियो ।

वन जिल्ला अदालत बागलुङको साउन १२ गतेको आदेशले हालसम्म जिल्ला कारागार बागलुङमा पुर्पक्षका लागि थुनामा रहेका थिए । (रासस)

Advertisement

प्रतिक्रिया