शनिबार, साउन ९, २०७८

राइस कुकरभित्र सुन लुकाएर ल्याउने एक जना पक्राउ

मेरोन्यूज २०७७ चैत २५ गते १२:४१

काठमाडौं । विमानस्थलका प्रहरीले त्रिभुवन अन्तर्राष्ट्रिय विमानस्थलबाट राइस कुकरभित्र सुन लुकाएर ल्याउने एक जनालाई पक्राउ गरेको छ ।

Advertisement

धनुषाका प्रकाश महरालाई विमानस्थलस्थित भन्सार कार्यालय र प्रहरीले पक्राउ गरेको हो । उनि मंगलबार राति सवा १० बजे दुबईबाट आएको फ्लाई दुबईको विमानबाट आएका थिए ।

“उनले ल्याएको राईस कुकरको तौल जाँच्दा बढी देखायो। पटक-पटक चेक गर्दा पनि तौल बढी भएपछि हामीले खोलेर हेर्‍यौं,” विमानस्थल प्रहरीका प्रहरी वरिष्ठ उपरीक्षक राजेशनाथ बाँस्तोलाले भने, कुकरको भित्र सुन राखिएको रहेछ।

उनको साथबाट ९ सय ३४ ग्राम सुन बरामद गरेको बाँस्तोलाले बताए। त्यसमध्ये ८८४ ग्राम सुन उनले कुकरमा हालेका थिए भने ५० ग्रामको बाला थियो।

Advertisement

प्रतिक्रिया