सोमबार, मंसिर १३, २०७८

चिनियाँ अनुदानको खोप आजबाट लगाउन सुरु गर्ने

मेरोन्यूज २०७७ चैत २५ गते ८:१३

काठमाडौं । चीनले अनुदानमा दिएको कोभिड–१९ विरुद्धको भेरोसेल खोप आजदेखि लगाइँदैछ ।

Advertisement

खोप अभियानका लागि सरकारले काठमाडौं उपत्यकाका १४ वटा स्वास्थ्य संस्थालाई केन्द्र तोकेको छ । चीन सरकारले अनुदानमा दिएको ८ लाख डोज खोप बुधबारदेखि १४ वटा स्वास्थ्य संस्थाबाट दिन लागिएको हो ।

चिनियाँ अनुदानको उक्त खोप पहिलो चरणमा १८ देखि ५९ वर्ष उमेर समूहका प्राध्यापक, चीनमा छात्रवृत्तिमा अध्ययन गर्ने नेपाली विद्यार्थी र नेपाली व्यापारीलाई लगाइने स्वास्थ्य तथा जनसंख्या मन्त्रालयले जनाएको छ ।

यस्तै हिमालय सीमापार व्यापार गर्ने व्यवसायी, अत्यावश्यक सेवामा काम गर्ने कर्मचारी, होटल ट्रेकिङ, विज्ञापन र इन्टरनेटको क्षेत्रमा काम गर्ने व्यक्ति, औषधी फलफूल तरकारी लगायतका व्यापारी लगायतलाई खोप दिने स्वास्थ्य मन्त्रालयले उल्लेख गरेको छ ।

उक्त खोप वीर अस्पताल, परोपकार प्रसूति गृह तथा स्त्रीरोग अस्पताल, शुक्रराज ट्रपिकल तथा सरुवा रोग अस्पताल, निजामती कर्मचारी अस्पताल, राष्ट्रिय आयुर्वेद अनुसन्धान तथा तालिम केन्द्र, नेपाल मेडिकल कलेज अत्तरखेल र काठमाडौ मेडिकल कलेज सिनामंगलमा लगाइने स्वास्थ्य मन्त्रालयले जनाएको छ ।

Advertisement

यस्तै त्रिवि शिक्षण अस्पताल, शहीद गंगालाल राष्ट्रिय हृदयरोग केन्द्र, वीरेन्द्र अस्पताल छाउनी, सशस्त्र प्रहरी अस्पताल, नेपाल प्रहरी अस्पताल, ओम हस्पिटल एण्ड रिसर्च सेन्टर र क्षेत्रपाटी निःशुल्क चिकित्सालयबाट पनि यो खोप लगाइने मन्त्रालयले जनाएको छ ।

चिनले अनुदानमा दिएको खोप यही चैत १६ गते काठमाडौं आइपुगेको थियो । सो खोप सोही दिन नेपालका लागि चिनियाँ राजदुत हउ यान्छीले प्रधानमनत्री केपी शर्मा ओलीलाई हस्तान्तरण गरेकी थिइन् ।

प्रतिक्रिया