आइतबार, मंसिर १९, २०७८

२ वटा पासपोर्टमा एउटै फोटो राखेर देशविदेश आवतजावत

मेरोन्यूज २०७७ चैत २४ गते १८:३९

काठमाडौं । नक्कलि राहदानि (पासपोर्ट) प्रयोग गरेर देश विदेश आवतजावत गर्ने एक सुनसरी जिल्ला दुहवि भलुवा न.पा-४ का ४४ बर्षीय महेन्द्र भण्डारीलाई महानगरीय अपराध महाशाखाले प्रकाउ गरेको छ।

Advertisement

हिमालयन एयरलायन्सबाट नेपाल आएका भण्डारीलाई आफ्नै नाम र ठेगाना उल्लेख गरी बनाएको ०६०७८२७२ नम्बरको पासपोर्टसहित त्रिभुवन विमानस्थलबाट मंगलबार महाशाखाको टोलीले पक्राउ गरेको हो।

पक्राउ परेका उनले गोरखा जिल्ला धुवाकोट ३ ठेगाना भएका राजु पौडेल नामको पासपोर्ट नं ३३७३२७७ र ०९२८५१९६ को २ वटा पासपोर्टमा आफ्नो फोटो राखेर नक्कली पासपोर्ट बनाई पटक – पटक बिदेश आवतजावत गर्ने गरेको अनुसन्धानमा खुल्न आएको महाशाखाले जनाएको छ।

भण्डारीको साथबाट उक्त नक्कली पासपोर्ट समेत बरामद गरि आबश्‍यक थप कारवाहीका लागी महानगरिय प्रहरी परिसर टेकु पठाईएको महाशाखाले जनाएको छ ।

Advertisement

प्रतिक्रिया