आइतबार, साउन १०, २०७८

माओवादी केन्द्रका प्रवक्ता नारायणकाजी श्रेष्ठ भन्छन् -सरकारलाई हाम्रो समर्थन छैन

मेरोन्यूज २०७७ चैत १९ गते १२:५८

काठमाडौं । (नेकपा) माओवादी केन्द्रका प्रवक्ता नारायणकाजी श्रेष्ठले संसद्लाई पूरै समय सञ्चालन गर्ने अवस्था बनाउनका लागि सरकारलाई दिएको समर्थन फिर्ता लिन ढिलाइ भएको बताएका छन् ।

Advertisement

बिहीबार पार्टी कार्यालय पेरिसडाँडामा बसेको स्थायी कमिटीको अनौपचारिक बैठकपछि प्रवक्ता श्रेष्ठले आफूहरुले प्रतिपक्षी पार्टीसँग छलफल गरेर परिस्थिति आँकलन गरिरहेको बताएका हुन् । उनका अनुसार हामी केपी ओलीको सरकारलाई विस्थापित गर्न चाहेको हो । उनलेभने “सरकारलाई हाम्रो समर्थन छैन ।”
उनले दुई–तीन दिनभित्र स्थायी कमिटीको औपचारिक बैठक बस्ने जानकारी दिए । राष्ट्रिय भेला र केन्द्रीय कमिटी बैठक पनि छिट्टै बस्ने उनले बताए ।

फागुन ११ गते प्रतिनिधि सभा पुनःस्थापना गर्ने र २३ गते साविकको एमाले र माओवादी केन्द्र ब्युँताउने सर्वोच्चको फैसलापछि माओवादी केन्द्र ओली नेतृत्वको सरकारलाई हटाएर कांग्रेस, माओवाद केन्द्र र जसपाको संयुक्त सरकार बनाउने कसरतमा छ । यद्धपी कांग्रेस र जसपाले अझै ठोस निर्णय दिन सकेका छैनन ।

प्रतिक्रिया