बिहीबार, साउन २१, २०७८

थ्री नेसन्स कप : नेपाल र बंगलादेश आज भिडँदैं

प्रधानमन्त्री प्रत्यक्ष खेल हेर्न दशरथ रंगशाला जाने

मेरोन्यूज २०७७ चैत १६ गते ११:३७

काठमाडौं । नेपालमा जारी त्रिदेशीय कप फुटबल ( थ्री नेसन्स कप ) को फाइनल खेल आज हुँदैछ । खेल साँझ साँढे ५ बजे देखि शुरु हुनेछ ।

Advertisement

फाइनलमा आज घरेलु टोली नेपाल र बंगलादेश भिड्दै छन् । आयोजक नेपाल, दक्षिण एसियाली अर्को मुलुक बंगलादेश र किर्गिस्तानको यू–२३ गरी तीन टोली सहभागी प्रतियोगितामा सहभागी थिए ।


फाइनल खेल हेर्न प्रधानमन्त्री केपी शर्मा ओली लगायतका केही मन्त्रीहरु र विभिन्न् राजनीतिक दलका नेताहरु रंगशालामै जाने कार्यक्रम रहेको एमाले संसदीय दलका प्रमुख सचेतक विशाल भट्टराईले जानकारी दिए ।

नेपालले केही समय यता अन्तराष्ट्रिय खेलमा गोल गर्न चुकिरहेको छ । फाइनलमा पुग्ने वेलामा पनि नेपालले गोलरहित बराबरी खेलेरै फाइनलको यात्रा तय गरेको हो । आज भने त्यो क्रम तोडने र गोलविहिन यात्रालाई पूर्णविराम लगाएर उपाद्यी चुम्ने लक्ष्य नेपाली टोलीले बनाएको छ ।

‘हामीले सोचेअनुसार खेले पनि गोल गर्न सकेका छैनौं,’ नेपाली राष्ट्रिय टोलीमा मुख्य प्रशिक्षक बाल गोपाल महर्जनले भने, ‘तर आजको हाम्रो प्रमुख लक्ष्य गोल गर्ने र खेलको उपाद्यी पनि चुम्ने हुनेछ ।’

Advertisement

विश्वकप फुटवलको छनौट खेल खेल्ने तयारीमा रहेको नेपाल र बंगलादेश दुवैका लागि यो खेल प्रतिस्पर्धी चिन्ने वलियो माध्यम पनि हुनेछ ।

प्रतिक्रिया