शुक्रबार, चैत १६, २०८०

प्रदेश १ को मन्त्रिपरिषद् पूर्नगठन (को को थपिदैछन् सूचिसहित)

मेरोन्यूज २०७७ चैत १३ गते १०:४४

विराटनगर । प्रदेश १ का मुख्यमन्त्री शेरधन राईले मन्त्रिमण्डल पूर्नगठन गर्न लागेका छन् । माओवादी केन्द्र र माधव नेपाल पक्षका नेताहरुले उनी विरुद्द अविश्वासको प्रस्ताव राख्दै सरकारमा रहेका आफ्ना पक्षका मन्त्रीलाई झिक्ने काम समेत उनीहरुले गरेका थिए ।

नेकपाभित्रै अन्तरसंघर्ष पेचिलो वनिरहेका वेला राईका विरुद्ध अविश्वास प्रस्ताव आएपनि सर्वाेच्च अदालतले गत फागुन २३ मा एमाले र माओवादी केन्द्र नै ब्यूताईदिएपछि भने मुख्य मन्त्री राई प्रदेश सभामा वहुमतमा पुगेका थिए ।

माधव नेपाल पक्षका नेताहरुले अविश्वास प्रस्ताव फिर्ता लिईसकेका छन भने माओवादीबट मन्त्री बनेकाको रिक्त रहेको स्थानमा आजै मुख्यमन्त्री राईले केही एमाले तर्फका सांसदलाई राखेर मन्त्रिमण्डल पूर्नगठन गर्न लागेका हुन् ।

नयाँ मन्त्रीहरुको आजै अपरान्ह १ बजे सपथग्रहण गर्ने गरी तयारी भईरहेको मुख्यमन्त्रीको नीजि सचिवालयले जनाएको छ ।

पुनर्गठनमा माओवादीबाट एमाले प्रवेश गरेका प्रदेशसभा सदस्य टंक आङबोहाङ अर्थमन्त्री हुने भएका छन् । त्यस्तै उषाकला राई सामाजिक विकासमन्त्री हुने भएकी छन् ।

Advertisement

हाल राज्यमन्त्री रहेका अम्बिरबाबु गुरुङ भौतिक पूर्वाधारमन्त्री हुने भएका छन् । त्यस्तै राम राना कृषिमन्त्री हुने भएको मुख्यमन्त्रीको कार्यालय स्रोतले वताएको छ ।

कला घले र राजकुमार ओझा राज्यमन्त्री नियुक्त हुने भएका छन् ।

प्रतिक्रिया