बिहीबार, चैत १५, २०८०

संसदीय समिति अपर तामाकोशी भ्रमणको तयारीमा

मेरोन्यूज २०७७ चैत १२ गते ८:००

काठमाडौं । संसदीय समितिले निर्माणधीन माथिल्लो तामाकोशी जलविद्युत आयोजनाको स्थलगत अध्ययनमा जाने तयारी गरेको छ । प्रतिनिधि सभाको कृषि सहकारी तथा प्राकृतिक स्रोत समितिले सो आयोजनाको स्थलगत भ्रमण गर्ने तयारी गरेको हो ।

निर्माणको अन्तिम चरणमा पुगेको आयोजनाको हालसम्मको कार्यप्रगति लगायत विषयमा अध्ययन गर्न सो समिति दोलखास्थित आयोजना निर्माण क्षेत्रमा जान लागेको हो ।

स्थलगत अध्ययनमा जाने विषयमा छलफल गर्न समितिको बैठक बिहीबार बिहान ११ बजे बस्दै छ । आफ्नो कार्यक्षेत्र भित्र पर्ने आयोजनाको समग्र विषयमाथि अध्ययन गर्ने तयारी रहेको समितिले जनाएको छ ।

प्रतिक्रिया