शुक्रबार, चैत १६, २०८०

इन्सपेक्टरमा ५० प्रतिशत आन्तरिक बढुवाबाट

मेरोन्यूज २०७७ चैत ११ गते १७:४६

काठमाडौं । नेपाल प्रहरीमा यसअघि ६० प्रतिशत खुला र ४० प्रतिशत आन्तरिक बढुवाबाट सईबाट इन्सपेक्टर बढुवा हुने गरेकोमा सो प्रावधान परिवर्तन हुने भएको छ । गृह मन्त्रालयले सोसम्बन्धी प्रक्रिया अघि बढाएको हाे ।

मन्त्रालये ५० प्रतिशत खुला र ५० प्रतिशत आन्तरिक बढुवाबाट पदपूर्तिका लागि प्रक्रिया अघि बढाइएको छ । गृहले सो सम्बन्धमा प्रहरी नियमावली संशाेधनको प्रस्ताव स्वीकृत गर्दै सहमतिका लागि कानून, न्याय तथा संसदीय मामिला मन्त्रालय र अर्थ मन्त्रालयमा पठाएको छ । कानून र अर्थ मन्त्रालयबाट स्विकृति प्राप्त हुने बित्तिकै सोसम्बन्धी प्रस्ताव मन्त्रिपरिषदमा लैजाने गृहको तयारी छ ।

मन्त्रिपरिषदबाट प्रस्ताव पारित भएलगत्तै सईबाट इन्सपेक्टर बढुवा प्रक्रिया शुरु गर्ने तयारी प्रहरी प्रधान कार्यालयको छ । सिट थोरै आकांक्षी धेरै भएपछि पछिल्लो तीन महिनादेखि सईबाट इन्स्पेक्टर बढुवा हुन सकेको छैन । आन्तरिक बढुवा ४० बाट बढेर ५० प्रतिशत पुगेसँगै प्रहरीको तल्लो तहमा उत्साह थपिने प्रहरी अधिकारीको भनाइ छ ।

प्रतिक्रिया